Mundartgedicht "Die Mafferschdorfer Fohrt" S. Wöhl

Zurück ] Weiter ]

ZUR ÜBERSICHT

ZUM SEITENENDE

 

DIE MAFFERSCHDORFER FOHRT

von Sieglinde Wöhl

Die Mafferschdorfer Fohrt, die wur
dan Sunntsch nouch Pfingst'n jedes Juhr,
denn unsre Korche wur geweiht
dr Heiligst'n Dreifaltigkeit.

(Natierlich wiss'n dos noch olle.
Ich will's aber ei jed'n Folle
fr die, die nouch uns kumm, notier'n,
die word's vielleicht ou intressier'n.)

Frieh tot mr orscht eis Huchomt gieh'n,
drnou noch beieinander stieh'n,
dann mußte mr os Ass'n denk'n,
de Schriete wieder hejmwärts lenk'n.

Nouch zwejns dou ging's dann wieder fort
zun Festplotze ban Kino dort.
De Musik hort' mr schun vo weit'n
und soug dan Rumm'l ou beizeit'n:

De Schauk'l, 's Karussell mit Fohne
und vis-a-vis de Geisterbohne,
de Schießbud'n und Kinderfrejd'n,
halt lauter gude Gelegenhejt'n

em ou sei Gald gut ozubreng'.
Dou mußte sich gor niemand dräng'.
's wur oll's gemietlich und gedieg'n.
A Zorkus mit dressiert'n Zieg'n,

en Ponny, Akrobat'n, Hund'n,
dar hotte sich ou eigefund'n,
em seine Künste vierzufiehr'n
und 's Publikum zu faszinier'n.

Grunzte enn zwisch'nnei dr Mag'n,
dou brauchte kenner zu verzag'n,
denn viergesorgt wur vorn und hint'n,
mr mußte ock sei Gusto find'n.

Ne weit vun Hause o dr Ecke
dou stond jed's Juhr dr Hensch'l- Bäcke,
wos gob's dou ne oll's auszusuch'n:
Eis und Schmierroll'n, Torte, Kuch'n.

A Stickl wetter soug mr stets
'n tork'schn Honigmon mit Fez.
Und war ban'n koufte, krichte glei
sen'n Honig eis Popierdl nei.

's gob frische Korsch'n, Zuckerwotte,
wenn jemand Oppetit druf hotte,
vo hejß'n Worschtln ne zu red'n,
die wor'n ja bale wos fr jed'n.

Dos wor a buntes Lab'n, Treib'n,
doch leider konnte 's ne su bleib'n,
denn finf'nfortsch wor olles aus,
mr mußt'n weg, ei d' Fremde naus.

De Fohrt aber labt ei uns fort,
und sein mr jetz' ou nemieh dort,
su fiehrt se uf Neu-Gablonz heute
dan Sunntsch nouch Pfingst'n ihre Leute.

 


Zuerst Waldkraiburg, dann Neugablonz in Bayern und anfangs Wiesbaden-Rambach, später Gießen in Hessen waren die Orte, in denen sich die Maffersdorfer nach 1945 Jahr für Jahr aus allen Windrichtungen Deutschlands wieder trafen, um die Verbindung zu Schulfreunden, alte nachbarschaftliche Bande und die Erinnerung an Maffersdorf zu erhalten.

 

Copyright © by Inge Schwarz 1993 (Heimatstelle Maffersdorf) 

Zurück ] Nach oben ] Weiter ]

   ZUM SEITENANFANG    ZUM INHALTSVERZEICHNIS    ZUR ÜBERSICHT  
HEIM

 

MAFFERSDORF - Marktgemeinde im Landkreis Reichenberg - SUDETENLAND